Prokuroria do të paraqesë dëshmitarë anonimë, me pseudonime dhe zarfe sekrete në gjykatë, për të provuar akuzat ndaj personave të akuzuar për vepra të rënda penale dhe me rrezikshmëri të lartë shoqërore. Këtu parashikon Kodi i ri i Procedurës Penale, i hartuar dhe propozuar nga misioni EURALIUS.
?Shqiptarja.com? zbardh pjesë nga Kodi i Ri i Procedurës Penale, hartuar në kuadër të reformës në drejtësi si dhe të përafrimit të legjislacionit me atë të Bashkimit Evropian. Operimi me dëshmitarë anonimë dhe me teknika të veçanta të marrjes në pyetje, tingëllon si një masë e re ndaj krerëve të bandave kriminale, me shkallë rrezikshmërie maksimale për dëshmitarët.
