Pjesa e Pare e Pa Gjurme dt 24 korrik 21 vite që i mungon familjes. Atli Lika djali më i vogël i familjes Lika humbi gjurmët majin e vitit 1998. Daut dhe Drita ishin prindër të 3 fëmijëve. Jonuzi një prej djemve emigroi që herët drejt Greqisë. Atliu ishte 13 vjeç në atë kohë ende në klasën e shtatë, kur vendosi të lë shkollën dhe bashkë me disa bashkëfshatarë të tij nga Dibra në prill të vitit 1996 u nisën nga mali për tu bashkuar me të vëllanë në Greqi. Atliu filloi punë si çoban dhe jetonte në një shtëpi me vëllain e tij. Në kohën kur të dy vëllezërit jetonin dhe punonin në Greqi, familja Lika transferohet nga fshati Sllou në zonën e Farkës së Madhe në Tiranë. Atliu shkonte dhe vinte në tokën helene, afro dy vite me radhë. Ishte viti 1998 kur Atliu vendos të kthehet pranë familjes. Pasi qëndron pak kohë flet me vëllain tjetër Dritanin, i cili jetonte në Selanik. Atliu nuk i ndahet emigracionit kur vendos t ëiki tek Dritani. Atje mbërrin shëndosh e mirë dhe fillon punë në një fabrikë mobilerie. Kur gjërat dukeshin se po shkonin mirë një ngjarje ndodhi në familje kur u sëmur babai. Dritani niset në Shqipëri ndërsa Atliu qëndron në Selanik. Me të mbërritur pranë familjes shokët njoftojnë Dritanin se Atliun e kishte arrestuar policia. Dritani detyrohet të niset me urgjencë, i vetmi që ishte i pajisur me dokumenta të rregullta. Ai kërkon në policinë e Selanikut ndërsa nuk arrin në gjurmët e të vëllait. Prej aty mëson se nuk ishte arrestuar ndonjë person që mund te rezultonte te ishte i vëllai. Flet me shokët e tij dhe ata I rrëfejnë një histori. Atë mbasdite Atliu shoqëruar bashkë me një shikun e tij nga Peshkopia Xhemal Paci ishin largua në një fshat pak kilometra nga Selaniku, me gjasa se do të vidhnin një stan bagëtish, sëbashku me persona të tjerë, por pronari kishte qëlluar me armë. Vëllai nuk dorëzohet, ai takohet vetë me pronarin grek, i cili fillimisht ia mohoi ngjarjen dhe më pas i vuri një kusht se nëse donte të dinte për fatin e të vëllait duhej të kërkoi që të dorëzonte dy personat e tjerë që kishin shpëtuar, nga kjo ngjarje. Që nga ky moment as për Atliun as për shokun e tij Xhemalin, nuk dihet më asgjë, pasi të dy figurojnë të humbur?.
