VLORË- Një shpërthim tritoli ka ndodhur mbrëmjen e sotme rreth orë 23:00 në lagjen ?29 Nëntori". Sipas informacioneve paraprake tritoli është vënë në katin e parë të një mobilerie dhe për fat të mirë nuk ka të lënduar, por vetëm dëme materiale.
Dëme materiale ka edhe në bizneset pranë vendit ku ndodhi shpërthimi, ndërkohë në pamjet e siguruara nga Report Tv shihen dëmet që janë shkaktuar nga shpërthimi i tritolit.
Policia ka shkuar në vendngjarje dhe ka rrethuar zonën ku ndodhi shpërthimi dhe po punon për zbardhjen e plotë të ngjarjes dhe identifikimin e autorit, ndërkohë janë ngritur postoblloqe në disa pika kyçe të qytetit.
