Akuza të forta ndaj qeverisë ka hedhur kryetarja e LSI, Monika Kryemadhi, teksa ka është ndalur te Reforma në Drejtësi. Nga qyteti i Fierit, ku zhvilloi një takim me strukturat, Kryemadhi tha se LSI u detyrua të mbyllë gojën për katër vjet në koalicion me Rilindjen për shkak të kësaj reforme. Sipas saj, edhe ambasadorët janë munguar të intimidojnë LSI, kur thonin se kjo parti nuk është pro Reformës në Drejtësi.
Kryemadhi deklaroi se LSI mbylli gojën e sytë për të mos folur mbi atë që po ndodhte në institucionet shqiptare, duke paralajmëruar se tashmë kjo parti do të bëhet uragani politik, që do të çojë padrejtësitë në koshin e plehrave.
?Ishte një koalicion hipokrit, pjesa më e madhe e kanë ndjerë në vitet e bashkëqeverisjes. Ne mbyllëm gojën e sytë për hir të reformës në drejtësi. LSI është intimiduar edhe nga ambasadorët, kur thonin se nuk është pro reformës në drejtësi. LSI la peng votat në Uashington dhe Bruksel, pasi shkonin në krah të reformës në drejtësi. Ne mbyllëm gojën në publik për të folur mbi atë që po ndodhte në institucionet shqiptare. Rilindja nuk i qëndroi marrëveshjes për këtë reformë. LSI do jetë një uragan politik, që do çojë çdo padrejtësi në koshin e plehrave dhe do iu rikthejë dinjitetin shqiptarëve. Do kemi betejë të fortë me papunësinë, me korrupsionin?, deklaroi Kryemadhi.
Fjala e plotë e Kryemadhit:
Në fakt në mbledhjen e fundit që bëtë unë nuk isha e pranishme, por do ta rregulloj gabimin dhe do të vijë shumë më shumë sesa kam vajtur në rreth e tjera. Dhe kjo për një arsye më shumë që Qarku i Fierit është një nga bastionet më të forta, më energjike dhe më të mëdha që ka LSI.
Dua ta filloj këtë fjalë me falënderimin nga zemra, me mirënjohje dhe përulje për të gjithë ju që jeni përballur me një sfidë të jashtëzakonshme, jeni përballur me një terror, qoftë ky politik apo policor. Mbi të gjitha keni përballuar të gjithë atë intimidim që iu është bërë juve dhe të gjithë votuesve të LSI-së. Votat e LSI-së në Fier janë vota zemre, janë vota gjaku, janë vota mundi por mbi të gjitha janë ato vota të cilat nuk i prek dot dhe nuk i cenon dot askush, kushdo qoftë ai.
