http://www.vizionplus.tv
https://facebook.com/VizionPlusTV
https://twitter.com/VizionPlusTV
Presidenti i Republikës ka preferuar që ?Ligjin për rivlerësimin kalimtar të gjyqtarëve dhe prokurorëve në Republikën e Shqipërisë?, ta kalojë në heshtje. Kushtetuta e Shqipërisë parashikon që Presidenti ka 21 ditë kohë për të dekretuar një ligj dhe deri më sot kreu i shtetit nuk është shprehur ende, ndërkohë që afati përfundimtar skadon më 20 shtator. Në ditën e fundit, në të cilën kreu i shtetit do të duhej të shprehej për një ndër ligjet më të rëndësishme të reformës në drejtësi, Bujar Nishani e dekreton, por e ka kaluar atë duke shfrytëzuar përcaktimet kushtetuese, sipas të cilave një ligj i miratuar nga Parlamenti vlerësohet si i pranuar nga Presidenti edhe në rastin kur ai nuk e dekreton.Kushtetuta përcakton gjithashtu se ligji hyn në fuqi me kalimin e jo më pak se 15 ditëve nga botimi i tij në Fletoren Zyrtare. Këto ditë presidenti Nishani gjendet në Nju Jork, për të marrë pjesë në Asamblenë e Përgjithshme të OKB-së. Ligji u miratua në seancën plenare të 30 gushtit, vetëm me votat e mazhorancës, ndërkohë që opozita refuzoi ta votonte atë.
