http://www.vizionplus.tv
https://facebook.com/VizionPlusTV
https://twitter.com/VizionPlusTV
5 nga të plagosurit e shpërthimit të bombulës së gazit një ditë më parë në zonën e ?Don Boskos? janë në gjendje të rëndë shëndetësore, ndërkohë që 5 të tjerë po mbahen nën vëzhgim.Kujtim Cami vazhdon të mbahet në reanimacionin e spitalit Ushatarak. Sipas mjekëve, 50-vjeçari ka dëmtime të mëdha në kokë dhe në mushkëri. Për këtë ai do t?i nënshtrohet një operacioni të dytë. Sipas mjekëve në Repartin e Plastikës në Qëndrën Spitalore Universitare, 4 nga të plagosurit Edlira Shima, Evgjeni Bregu, Abdullah e Paqsie Dervishi kanë djegie të shkallës së dytë. 5 të lënduarit e tjerë nga shpërthimi në ëmbëltore ndodhen në pavionet e tjera në Spitalin Ushtarak dhe atë të QSUT-së dhe po mjekohen me antibiotikë. Sipas mjekëve ata pritet të lënë spitalin ditën e martë. Ndërkohë policia ka konfirmuar se shpërthimi i fuqishëm që plagosi 21 persona, erdhi si pasojë e rrjedhjes së gazit në bombul. Deri më tani nuk ka procedim ndaj pronarit të ëmbëltores kjo pasi ngjarja është klasifikuar si aksidentale. Megjithatë hetimet po vijojnë për të sqaruar plotësisht rrethanat dhe kushtet e sigurisë në biznesin e familjes Dervishi.
