http://www.vizionplus.tv
https://facebook.com/VizionPlusTV
https://twitter.com/VizionPlusTV
Verdikti i kryetarit të jurisë Ilir Shaqiri ka bërë që dy konkurrentet me më pak pikë në garën e "Dancing with the Stars" të mos eleminohen. Blendi Nallbani dhe Rike Roçi u përballen me njëri-tjetrin në Dance Off, si më pak të votuarit mes 11 personazheve vip. Por, asnjë nga vallet e tyre, të dyja të Shqipërisë së Mesme nuk e merituan të ndëshkoheshin. Ka qenë një mbrëmje e traditës ajo e të hënës në Vizion Plus, pasi puntata e katërt e këtij edicioni të ri të "Dancing with the Stars" ka sjell shumë emocione dhe argëtim, jo vetëm për konkurrentet por edhe për këdo që ndoqi nga shtëpia ketë spektakël. Në vigjilje të festave kombëtare, produksioni i veshi yjet me petkun e kostumeve tradicionale, duke performuar valle të krahinave të ndryshme mbarëkombëtare. Deri më tani Monika Lubonja është i vetmi personazh publik që është larguar nga gara, ndërkohë për këdo që humbi emocionet dhe shijen e muzikës tonë tradicionale, "Dancing with The Stars" ritrasmetohet çdo të shtune në orën 13:30 minuta.
