http://www.vizionplus.tv
https://facebook.com/VizionPlusTV
https://twitter.com/VizionPlusTV
Partizani kaloi ne vend te dyte ne renditjen e përgjithshme pas fitores ndaj Kukësit ne javën e 6 te kategorisë superiore te futbollit. Ne fushën asnjanëse te Krujës te kuqte fituan me rezultatin 1-0, një rezultat me mjaft peshe kur behet fjale se përballe ishin nenkampionet e Shqipërie. Një loje mjaft e mire për skuadrën e Hasan Likes mjaft e qarte taktikisht, dominuese dhe me raste te pastra për shënim. Ne te kundërt kuksianet u duken fare pak gjate pjesës se pare përpara portës kundërshtare duke mos qene për asnjë çast te rrezikshëm. Tjeter tablo për verilindoret gjate pjesës se dyte me te qarte ne fazën ofensive. Por minuta e 77 rezultoi fatale për skuadrën e Cungut kur pas një goditje nga këndi Thana i futur si zëvendësues çoi topin ne rrjete duke kaluar ne avantazh skuadrën e tij. Një fitore e rëndësishme për Partizanin për vazhdimësinë e pretendimeve këtë sezon. Pas ndeshjes tekniku i Kukësit, Armando Cungu dha dorëheqjen e parevokueshme për shkak te rezultateve te dobëta këtë sezon. Ne stadiumin "Selma Stermasi", Tirana i iku për momentin zonës se ftohte pas fitores se ngushte 1-0 ndaj Kastriotit. Golin e vetëm për bardheblute e shënoi Semedo ne minutën e 8 te takimit. Ne sfidat e tjera Lushnja - Teuta 1-1 me durrsaket qe mbajnë edhe pas kësaj jave kreun ne klasifikimin e përgjithshëm. Flamurtari barazoi 2-2 me Bylisin, ndërsa Laçi mundi Besën 1-0. Ne renditjen provizore Teuta kryeson me 12 pike e ndjekur nga Partizani 11, ndërsa Vllaznia me një ndeshje me pak dhe Laçi janë ne kuotën e 10 pikëve.
