Yjet e skenes muzikore mbareshqiptare, veshje fashion ne tapetin e kuq, çifte te famshme ose jo ne nje mbremje live nga Teatri Kombetar i Prishtines. Vizion Plus nis ne oren 20:00 te mbremjes se kesaj te marte transmetimin maratone te "Video Fest Muzikor 2013", nje event qe realizohet ne Kosove qe prej vitit 2003 dhe transmetohet nga RTV 21. Festivali i video-klipeve me te mira muzikore mbledh kështu te gjitha yjet e artit muzikor nga Kosova, Shqipëria, Maqedonia dhe Diaspora me qellim promovimin e produksioneve me te mira shqiptare. 17 është numri i çmimeve qe pritet te jepen ne kete mbrëmje gala. Ne fakt, "Videofesti muzikor 2013" ka shpallur tashme nominimet. Elvana Gjata dhe bashkëpunimi i saj ne këngën "Beso" eshte me i kandiduari, me kater nominime. Por Elvana, nuk eshte e vetmja këngëtare femer e cila pritet te dominoje kete mbrëmje. Vesa Luma, Kaltrina Selimi, Dafina Zeqiri dhe Tuna shihen si favorite ne kategorinë e femrave. Hiti i Tunes "I asaj", duket se eshte edhe me i pëlqyeri. Nga ana tjeter emra si Flori, Alban Skenderaj, Lyrikal Son apo MC Kresha jane garues ne zhanrin e videove me te mira muzikore te këngëtareve meshkuj. Bashke me çmimet, festa e videove me te mira mbareshqiptare do te jete nje mbrëmje performancash, pasi këngëtaret e ftuar pritet te ngjiten ne skene me hitet e tyre me te famshme.
