http://www.vizionplus.tv
https://facebook.com/VizionPlusTV
https://twitter.com/VizionPlusTV
Kështu jemi mësuar ta nisim çdo të shtunë mbrëma nën shoqërinë e humorit në show-n e përjavshëm "Al Pazar" në Vizion Plus. Rikthehet sot në mbrëmje pas një pauze të shkurtër me të tjera surpriza që kanë si kryefjale humorin. Aktorët e njohur tashmë të "Al Pazar" do të vijojnë të servirin me sarkazëm e ironi problemet e vendit dhe politikën. Nën drejtimin e Agron Llakajt, edhe në këtë rikthim sezoni "e qeshura" është e garantuar.Nostalgjia do të ketë sërish hapësirën e vet në "Al Pazar" këtë herë duke risjellë në skenë disa nga trupat profesioniste të qyteteve kryesore, humori i të cilave ka qenë një traditë e hershme dhe gjithnjë e shumëpritur për publikun shqiptar. Dhe në fund, merreni me të qetë, kështu ka qenë, është dhe do të jetë pazar...pazar...pazar..., nga sot në orën 21:00.
