Ish-kapiteni i skuadrës së futbollit të Anglisë, David Beckham, u shpreh në një event të "Bashkimit për Botën e Egër" në Londër se sulmuesi i Manchester United Ëayne Rooney do të tregojë të gjithë aftësitë e tij në finalen e Kupës së Botës në Brazil.
Ai deklaroi në këtë event, ku ishte i pranishëm dhe princi Ëilliam se ishte shumë optimist për mundësitë e fitores së Anglisë në Kupën e Botës, që nis këtë të enjte. Ai ka luajtur në dy botërore të mëparshme në Kupën e Botës me skuadrën e Anglisë dhe tregon se në çdo turne ka shkuar me besimin e madh se do të kthehej në shtëpi si fitues.
Beckham u shpreh se në çdo kompeticion ku luan e sidomos kur ka luajtur në Kupën e Botës ka patur shumë besim ne vetvete dhe në skuadrën e tij. Ai mendon se kjo do të vazhdojë dhe këtë vit dhe shpreson se do të ketë rezultate të mira nga skuadra e Anglisë. Ndonëse me lojtarë të rinj në skuadër ai garanton se lojtarët janë gati për të luajtur dhe për të marrë pjesë në Kupëne Botës.
Sulmuesi i Anglisë dhe Manchester United, Ëayne Rooney, është kritikuar shumë nga mediat për paraqitjet e tij gjatë ndeshjeve miqësore për Kupën e Botës por është Beckham ai që e mbështet dhe shprehet se "Rooney do t'ja dalë që me aftësitë e tij ta çojë Anglinë drejt fitores në këtë event kaq të rëndësishëm botëror, ashtu siç ka bërë dhe gjatë sezonit" ka përfunduar deklaratën e tij Beckham.
Rooney, i cili shënoi 17 gola në sezonin e fundit të Premier League, do të jetë çelësi i çdo suksesi që mund të ketë Anglia në Brazil. Ndeshja e parë e Anglisë është kundër Italisë në Manaus më 14 qershor.
