VLORE -- Përzierja e alkoolit dhe Kanabisit ka shkaktuar helmimin e dy nënësve 15-vjeçarë të gjimnazit "24 Maji" në qytetin bregdetar të Vlorës.
Ngjarja ndodhi një ditë më parë, dhe paraprakisht u dyshua që nxënësit të ishin hemuar nga ushqimi i një Fast-Food-i. Burime nga spitali Rajonal i Vlorës thanë për A1 REPORT se pas analizave të kryera rezultoi se dy nxënësit nuk ishin hemuar nga ushqimi, por nga përzierja e alkoolit dhe kanabisit që i kanë konsumuar njëkohësisht.
Pas njoftimit të marrë në lidhje me dyshimin për helmim të dy nxënësve në qytetin e Vlorës, edhe grupet e inspektimit të AKU-së verifikuan në terren dhe inspektuan dy subjektet (fast food) në afërsi të shkollës "24 Maji", ku mendohej se ishin intoksikuar të rinjtë.
