TIRANE- Në 23 vite kanë humbur jetën plot 7000 shtetas shqiptarë, si dhe të gjitha akset rrugore deri më sot qofshin urbane apo rurale nuk janë kolauduar për kushtet e sigurisë. Këtë deklaron në një intervistë për "A1 Report" eksperti i sigurisë rrugore Sokol Kikina.
Një element i rëndësishëm sipas Kikinës që mund të parandalojë aksidentet, është edukimi i shoqërisë, si dhe fushatat sensibilizuese.
E teksa harta e Shqipërisë dominohet nga 140 pika të rrezikshme, për Kikinën përgjegjësia në aksidentet rrugore mbetet sa shtetërore, aq edhe qytetare.
Për ekspertin e sigurisë rrugore ngritja e një task forcë me kompentenca kombëtare në administrimin dhe monitorimin e akseve rrugore, mund të ndalë bilancin tragjik të aksidenteve në rrugë.
