السلام والتحلة على حضرتكوا .. حالة الانقسام اللي عايشينها اليومين دول .. يمكن بتعكسها مواقف كتير ، لكن النهاردة تحديداً فيه موقفين متضاربين بيعكسوا الحالة دي .. الموقف الأول هو عبارة عن بيان أو منشور بيتم تداولة على صفحات الإنترنت موقع باسم كتيبة أنصار الشريعة ، المنشور عبارة عن مجموعة الشخصيات العامة وسياسيين ومفكرين واعلاميين وغيرهم ، تحت مسمى القائمة السوداء وقالوا انه هيتم استهداف الشخصيات دي حالة سقوط الدولة ، لحد كدا وخلص البيان مقلش هما مين ، ولا مين اللي اعطاهم الحق لكده ، ومين قال اصلا ان الشخصيات الوطنية دي ممكن يجي اليوم وتبقا مستهدفه بالشكل ده، ... الموقف الثاني هو موقف قيام أجهزة الشرطة بإلقاء القبض على الناشط أحمد عرفه ، اللي هو عضو بحركة حازمون المؤيدة للشيخ حازم صلاح أبو إسماعيل، واللي الداخلية قالت انها قبضت عليه بتهمة حيازة اسلحة دون ترخيص ، القوى المدنية كلها تقريبا ، وعدد كبير من الأحزاب والحركات الثورية، أعلنوا رفضهم لطريقة القبض على الناشط بحركة حازمون رغم اختلافهم فكريا وسياسيا مع منهج الحركة .. لكن هذة نقرة وهذه نقرة .. هؤلاء دافعوا عن انسانيتهم قبل أن يدافعوا عن ثورتهم، فلربما تنجح ثورتهم ولكنهم قد يفقدون انسانياتهم كثورات كثيرة سابقة .
