جيت الحياة وجاك من ربـي المـوت ...
صدّرت ياعمـري وانـا جيـت ورّاد !!!
متكفن (ن) حطوك في وسط تابـوت ...
وأنـا بعـد مثلـك تكفنـت بمهـاد !!!
الله واكبـر ليـه مانيـب مبـخـوت ...
في يوم واحد صار موت (ن) وميلاد !!!
حتى قدومي مارفع للفـرح صـوت ....
في حزن أروح وجيت في حزن وحداد !!!
يابوي وش ينفع بعد فايـت الفـوت ...
لو قلت لك موتك طعن جوف الأعياد !!!
شفني وأنا رجّال وأكدح على القـوت ...
أغار من كلمـة (يبـه) بيـن الأولاد !!!
كل الجروح نجيب يابـوي وتمـوت ...
إلا جروحـك بالحشـا دايـم ضاوي !!!
