ਅੰਮ੍ਰਿਤਸਰ : ਅੱਜ ਲੋਹੜੀ ਦੇ ਤਿਉਹਾਰ ਮੌਕੇ ਪੰਜਾਬ ਭਰ ਵਿੱਚ ਖੁਸ਼ੀਆਂ ਖੇੜੇ ਦੇਖਣ ਨੂੰ ਮਿਲੇ। ਜਿਥੇ ਨੌਜਵਾਨਾਂ ਨੇ ਗਾਣਿਆਂ ਉੱਤੇ ਨੱਚ ਟੱਪ ਕੇ ਲੋਹੜੀ ਮਨਾਈ ਪਤੰਗਾਂ ਉਡਾਈਆਂ।ਉਥੇ ਹੀ ਛੋਟੇ ਬੱਚਿਆਂ ਨੇ ਵੀ ਲੋਹੜੀ ਮੌਕੇ ਖੂਬ ਪਤੰਗਾਂ ਉਡਾਈਆਂ। ਬਚੇ ਅੱਜ ਕਾਫੀ ਖੁਸ਼ ਨਜ਼ਰ ਆਏ ਤੇ ਉਹਨਾਂ ਕਿਹਾ ਅੱਜ ਕਿੰਨੇ ਸਮੇਂ ਬਾਅਦ ਧੁੱਪ ਨਿਕਲੀ ਜਿਸ ਨਾਲ ਉਨਾਂ ਨੂੰ ਪਤੰਗਾਂ ਉਡਾਉਣ ਵਿੱਚ ਕਾਫੀ ਖੁਸ਼ੀ ਮਿਲੀ ਰਹੀ ਹੈ। ਜਿੱਥੇ ਪੰਜਾਬ ਦੇ ਵਿੱਚ ਕੁਝ ਬੱਚਿਆਂ ਵੱਲੋਂ ਪੁਰਾਤਨ ਡੋਰ ਦੇ ਨਾਲ ਪਤੰਗਬਾਜ਼ੀ ਕਰ ਇੱਕ ਸੁੰਦਰ ਸੰਦੇਸ਼ ਵੀ ਦਿੱਤਾ। ਉਥੇ ਹੀ ਬੱਚਿਆਂ ਨੇ ਦੱਸਿਆ ਕਿ ਚਾਈਨਾ ਡੋਰ ਉਹਨਾਂ ਵੱਲੋਂ ਇਸ ਕਰਕੇ ਤਿਆਗੀ ਗਈ ਹੈ ਕਿਉਂਕਿ ਉਸ ਨਾਲ ਬਹੁਤ ਸਾਰੇ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ ਅਤੇ ਕਈ ਪਸ਼ੂ ਪਕਸ਼ੀ ਬੁਰੀ ਤਰ੍ਹਾਂ ਨਾਲ ਜ਼ਖਮੀ ਹੋ ਚੁੱਕੇ ਸਨ। ਉਥੇ ਹੀ ਜੇਕਰ ਗੱਲ ਕੀਤੀ ਜਾਵੇ ਸ਼ਹਿਰ ਦੀ ਤਾਂ ਅੰਮ੍ਰਿਤਸਰ ਸ਼ਹਿਰ ਵਿੱਚ ਪੁਲਿਸ ਨੇ ਸਖਤੀ ਕਰਦਿਆਂ ਫਲਾਈ ਓਵਰ ਵਾਲੇ ਰਾਹ ਬੰਦ ਕਰ ਦਿੱਤੇ। ਜਿਥੋਂ ਦੀ ਦੋ ਪਹੀਆ ਵਾਹਨ ਨਾ ਲੰਘ ਸਕਣ। ਪੁਲਿਸ ਦਾ ਕਹਿਣਾ ਹੈ ਕਿ ਮਨਾਹੀ ਦੇ ਬਾਵਜੂਦ ਵੀ ਕੁਝ ਲੋਕ ਚਾਈਨਾ ਡੋਰ ਦੀ ਵਰਤੋਂ ਕਰਦੇ ਹਨ।
