Nakatanggap umano ng banta ang dating Customs intelligence officer na si Jimmy Guban mula kay Presidential Task Force on Media Security (PTFoMS) Executive Director at Undersecretary Paul Gutierrez nang siya ay makulong sa Senado.
Ayon kay Guban, sinabi umano sa kaniya ni Gutierrez na mamamatay siya at ang kaniyang pamilya kapag binanggit niya ang pangalan nina Michael Yang, Pulong Duterte, Mans Carpio at Benny Antiporda sa pagdinig kontra ilegal na droga.
Ayon kay Gutierrez, tiningnan lang niya ang lagay ni Guban sa Senado. Itinanggi naman ni Benny Antiporda na may koneksyon siya sa mga nabanggit na pangalan at kilala lang umano niya sila bilang mga personalidad na napapanood sa telebisyon.
