മലയാളത്തിലെ വമ്പന്‍ ഹിറ്റ് ചിത്രമായ ആര്‍ഡിഎക്‌സ് നിര്‍മാതാക്കളായ സോഫിയാ പോളിനും ഭര്‍ത്താവ് ജയിംസ് പോളിനുമെതിരെ പരാതിയുമായി ചിത്രത്തിന്റെ എക്‌സിക്യൂട്ടീവ് പ്രൊഡ്യൂസര്‍ അഞ്ജന എബ്രഹാം. ചിത്രത്തിന്റെ ലാഭ വിഹിതം വാഗ്ദാനം ചെയ്ത് പണം നിക്ഷേപിച്ച ശേഷം പണം നല്‍കാതെ വഞ്ചിച്ചുവെന്ന് അഞ്ജന നല്‍കിയ പരാതിയില്‍ പറയുന്നു. നേരത്തെ നടന്‍ സൗബിന്‍ ഷാഹിര്‍ പിതാവ് ബാബു ഷാഹിര്‍ എന്നിവര്‍ നിര്‍മ്മിച്ച മഞ്ഞുമ്മല്‍ ബോയ്‌സ് എന്ന ചിത്രത്തിനെതിരെയും പരാതി ഉണ്ടായിരുന്നു. ഈ പരാതിക്ക് സമാനമാണ് ആര്‍ഡിഎക്‌സ് നിര്‍മാതാക്കള്‍ക്കെതിരെയും ഉയര്‍ന്നിരിക്കുന്നത്. തൃപൂണിത്തുറ ഹില്‍പാലസ് സ്റ്റേഷനിലാണ് അഞ്ജന എബ്രഹാം പരാതി നല്‍കിയിരിക്കുന്നത്.
~PR.260~ED.22~
