छत्रपती शिवाजी महाराजाचं जन्मस्थान असलेल्या शिवनेरी किल्ल्यावर शासकीय शिवजयंती सोहळ्याचे आयोजन करण्यात आले आहे. या कार्यक्रमाचा आपण बहिष्कार करत असल्याचे खासदार डॉ. अमोल कोल्हे यांनी नुकतंच जाहीर केलं आहे. दरम्यान, अमोल कोल्हे यांच्यावर आता भाजपाकडून टीका सुरू झाली आहे. भारतीय जनता पार्टीचे मुख्य प्रवक्ते केशव उपाध्ये म्हणाले की, “केवळ पैसा आणि प्रसिद्धी मिळवण्यासाठी यांना छत्रपती शिवाजी महाराज हवेत का? हा तर राष्ट्रवादीचा मोगल प्रेमी चेहराच पुन्हा एकदा समोर आला आहे.”
