ગાંધીનગર, મહેસાણા સહિતના જિલ્લામાં કારના કાચ તોડીને અંદરથી કિંમતી સામાનની ચોરી કરી કરીને સિલસિલાબંધ ગુના આચરનાર રીઢા ચોરને લોકલ ક્રાઇમ બ્રાંચ દ્વારા પૂર્વ બાતમીના આધારે સેકટર - 24 ખાતેથી ઝડપી પાડી 10 તોલા વજનના રૂ. 4.53 લાખના દાગીના, બે મોબાઈલ ફોન તેમજ ઇનોવા કાર મળીને કુલ રૂ. 9 લાખ 62 હજાર 786 નો મુદામાલ જપ્ત કરી છ ગુનાનો ભેદ ઉકેલી દેવામાં આવ્યો છે. નોંધનીય છે કે ચોરીના ગુનાને અંજામ આપવા માટે રીઢો ચોર તેની પત્નીને ઇનોવા કારમાં લઈને નીકળતો અને મોકો મળતાં કાચ તોડી કિંમતી સામાન ચોરી ફરાર થઈ જતો હતો.
