હૈદરાબાદ: તેલંગાણાના રંગા રેડ્ડી જિલ્લામાંથી એક ચોંકાવનારી ઘટના સામે આવી છે. રચાકોંડા પોલીસ વિસ્તાર હેઠળના આદિબાટલા પોલીસ સ્ટેશનના મન્નેગુડામાં 24 વર્ષીય મહિલાનું તેના ઘરેથી અપહરણ કરવામાં આવ્યું હતું. તેના માતા-પિતાનો આરોપ છે કે લગભગ 100 યુવકો તેમના ઘરમાં ઘૂસી ગયા, તેમની પુત્રી વૈશાલીને બળજબરીથી ઉપાડી ગયા અને ઘરમાં તોડફોડ કરી. મહિલા વ્યવસાયે ડોક્ટર છે. માહિતી મળતાં જ પોલીસ ઘટનાસ્થળે પહોંચી હતી અને એફઆઈઆર નોંધ્યા બાદ આરોપીઓને પકડવા માટે ટીમો બનાવવામાં આવી હતી.
