ભારતમાં આજથી 5G સેવાના નવા યુગની શરૂઆત થઈ ગઈ છે. ઘણા શહેરોમાં 5G સેવા શરૂ થઈ ગઈ છે. એરટેલે આજથી જ વારાણસી, દિલ્હી સહિત 8 શહેરોમાં તેની સેવા શરૂ કરી દીધી છે. આ 5G સેવા માત્ર રોલઆઉટ પુરતી નથી, પરંતુ કેટલાક લોકોના ફોનમાં 5G સિગ્નલ પણ જોવા મળી રહ્યા છે. શું તમારા સ્માર્ટફોનમાં પણ 5G સિગ્નલ જોવા મળે છે? તમે એરટેલ યુઝર છો અને 5G સેવા ધરાવતા શહેરોમાં રહો છો, તો તમને 5G સેવા મળવા લાગશે. VoLTE અથવા 4Gને બદલે તમારા ફોનમાં નેટવર્ક પર 5G દેખાવા લાગશે.
