સુકેશ ચંદ્રશેખર કેસમાં ખરાબ રીતે ફસાઈ ગયેલી જેકલીન ફર્નાન્ડિસ ક્યારેક પોલીસ સ્ટેશન તો ક્યારેક કોર્ટના ચક્કર લગાવી રહી છે. સોમવારે કોર્ટે તેમને વચગાળાના જામીન આપ્યા ત્યારે તેને આ કેસમાં મોટી રાહત મળી છે. જેકલીન ફર્નાન્ડીઝ દિલ્હીની પટિયાલા કોર્ટમાં હાજર થઈ હતી. અભિનેત્રીને કોર્ટ દ્વારા 200 કરોડના મની લોન્ડરિંગ કેસમાં સમન્સ પાઠવવામાં આવ્યું હતું. જે બાદ તેના વકીલોએ અરજી દાખલ કરી હતી. જેકલીનને 50,000 રૂપિયાના અંગત બોન્ડ પર વચગાળાના જામીન આપવામાં આવ્યા છે. હવે કોર્ટમાંથી બહાર નીકળતી વખતે તેની તસવીરો અને વીડિયો સોશિયલ મીડિયા પર વાયરલ થઈ રહ્યા છે.
