ભાજપમાં ઘરવાપસી કરનાર ખુમાનસિંહ વાસિયાના દારૂબંધી હટાવવાના નિવેદનને લઇને ફરી એકવાર રાજકીય માહોલ ગરમાયો છે, ત્યારે ગુજરાત કોંગ્રેસના પ્રવકતા ડો.મનીષ દોશીએ ખુમાનસિંહ પર કટાક્ષ કરતા કહ્યું કે, ભાજપનો ખેસ પહેરતા જ તેમના પર વાતાવરણની અસર દેખાઈ છે. ગુજરાતમાં દારૂબંધી માત્ર કાગળ પર જ છે. ઠેર-ઠેર દારૂના અડ્ડા ધમધમે છે, એમના પર કાર્યવાહી થતી નથી. આ અગાઉ ભાજપના સાંસદ મનસુખ વસાવા, નર્મદા ના SP પણ દારૂ મામલે થતો ભ્રષ્ટ્રાચાર ને લઈને નિવેદન આપી ચૂક્યા છે.
