पंजाबींचा मान आणि स्वाभिमान दुखावला तर काय होतं हे तुम्ही अनेकदा ऐकलं आणि पाहिलं असेल. नांदेडमध्येही असंच एक उदाहरण समोर आलंय. एका पंजाबी भाविकाने गुरुद्वारामध्ये दान करण्यासाठी आणलेल्या कलगीचं वजन कमी भरलं. सोनाराने हातचलाखी केल्याचं समोर आलं. या भाविकाने पुन्हा पंजाब गाठलं आणि नंतर जे दान केलंय, ते पाहून तुम्ही थक्क व्हाल.. करतारपूरमधील डॉ. गुरविंदर सिंग सामरा यांनी नांदेडच्या गुरुद्वारामध्ये साडेचार कोटींचा रत्नजडित मुकुट अथवा कलगी आणि हार अर्पण करण्यात केलाय. भाविक श्रद्धेपोटी आपल्या श्रद्धास्थानी मनाने शक्य तसं दान करतात. पण गुरविंदर पाजींनी जे दान केलंय, ते जरा वेगळं आहे. सोनाराच्या हातचलाखीने त्यांचं मन दुखावलं आणि त्यानंतर त्यांनी जे दान केलंय ते पाहून कोणताही भाविक थक्क होईल.
