एखादी स्वस्त कर्जाची ऑफर पाहून तुम्हीही कर्ज घेण्याचा विचार करताय का? असं असेल तर दोन मिनिटे वेळ काढा आणि या तुमच्या फायद्याच्या टिप्स जरुर लक्षात घ्या. सणासुदीचा हंगाम आधीच सुरू झालाय. अनेक बँका ग्राहकांना विशेष कर्ज देत आहेत. सणासुदीच्या काळात कर्ज घेणं ही सामान्य गोष्ट आहे. कारण बरेच लोक कमी व्याजदरात घर, कार, दागिने या खरेदीसाठी चांगल्या ऑफरची वाट पाहत असतात. याशिवाय, सणासुदीचा काळ असाही असतो, जेव्हा बँका प्रक्रिया शुल्क, सवलतीचं शुल्क, कमी व्याजदर या स्वरूपात खास कर्जाच्या ऑफर देतात. पण कर्ज घेताना कोणत्या गोष्टी विचारात घ्याव्या तेही आपण पाहू..
