आर्वी येथील अल्पवयीन मुलीच्या गर्भपात प्रकरणाने संपूर्ण महाराष्ट्र हदरून गेले. याच प्रकरणात पोलिसांकडून सुरु असलेल्या तपासात दररोज नवनवीन बाबी समोर येत आहे. आता तपासादरम्यान पोलिसांनी कदम यांच्या घरातील सील केलेल्या खोलीला उघडत तपासणी केली. यादरम्यान एका कपाटात जुन्या लोखंडी पेटीत बॅगमध्ये मोठ्या प्रमाणात रक्कम आढळून आली. शनिवारी दुपारी पोलिसांना ही रक्कम मिळाली असून रात्रीपर्यंत याचं मोजमाप सुरु होते. ही रक्कम तब्बल 97 लाख 42 हजार रुपये असल्याचं पोलिसांनी सांगितलं आहे. एवढी रक्कम आढळून आल्याने पोलिसांसह आयकर विभाग आता पुढील शोध घेत आहे.
