ఆంధ్రప్రదేశ్ మాజీ ముఖ్యమంత్రి చంద్రబాబునాయుడు వద్ద పర్సనల్ సెక్రటరీగా పనిచేసిన విశ్రాంత ఐఏఎస్ అధికారి లక్ష్మీనారాయణ ఇంట్లో సీఐడీ అధికారుల సోదాలు నిర్వహించారు. స్కిల్ డెవలప్మెంట్ కుంభకోణంలో ఏపీ సీఐడీ పోలీసులు దర్యాప్తును వేగవంతం చేశారు. దీనిలో భాగంగానే.. విశ్రాంత ఐఏఎస్ లక్ష్మీనారాయణ ఇంట్లో ఏపీ సీఐడీ అధికారులు శుక్రవారం సోదాలు నిర్వహించారు. లక్ష్మీనారాయణ గతంలో స్కిల్ డెవలప్మెంట్ కార్పొరేషన్ డైరెక్టర్గా పనిచేశారు. తన పదవీ కాలంలో యువకులకు శిక్షణనిచ్చే క్రమంలో.. లక్ష్మీనారాయణ పలు అక్రమాలకు పాల్పడ్డారని అభియోగాలు నమోదయ్యాయి. దీంతో సిమన్స్ ప్రాజెక్ట్లో అవకతవకలపై విచారణను ఏపీ ప్రభుత్వం సీఐడీకి అప్పగించింది.