PANOORIN: Isa ang Barangay 256 sa 13 barangay at dalawang lugar sa Maynila na isinailalim sa apat na araw na lockdown simula noong Lunes at magtatapos mamayang 11:59 p.m.
Ayon kay Barangay Chairman Ramon Perez, maayos ang naging pagpapatupad ng lockdown sa kanilang lugar dahil sumusunod ang mga residente.
Malaking tulong din aniya ang executive order na nilagdaan ni Manila Mayor Isko Moreno sa tulad nilang mga nasa ground kung saan maaari ng magdeklara ng lockdown sa kani-kanilang mga barangay ang mga kapitan kung may 10 o higit pang active COVID-19 cases sa lugar.
