Vllaznia e Toms Brdaric dhe Apolonia kanë zhvilluar të dielën pasditë një test miqësor, për të shuar dyshimet e fundit që trajnerët kanë në prag të fillimit të sezonit. Skuadrat, sidomos ekipi shkodran, kanë bërë shumë ndërhyrje në merkato dhe formacioni në fushë ishte pothuajse i tjetërsuar nga ai i sezonit të kaluar.
90 minutat krijuan shumë pak raste dhe për këtë arsye 90 minutat u mbyllën me rezultatin e bardhë 0-0. Gjithsesi pas ndeshjes trajneri i shkodranëve Toms Brdaric ishtë i kënaqur nga ajo që dha skuadra:
Jam i kënaqur me atë që skuadra tregoi në fushë. Tani i kemi plotësuar të gjitha pozicionet me nga dy lojtarë. Patëm shumë momente të mira në këtë takim dhe më pëlqeu, por nuk kishim finalizimin e duhur.?
Ajo që bëri më shumë përshtypje në këtë sfidë ishin tifozët e shumtë që e ndoqën. Pavarësisht se me rregulla nuk lejohet, në tribunën e Loro Boriçit kishte mjaft mbështetës të kuqebluve.
Përsa i përket miqësoreve Vllaznia deri më tani ka humbur 2-1 me Tiranën, ka fituar 1-0 ndaj Teutës dhe ka barazuar 1-1 me Pogradecin.
