http://www.vizionplus.tv
https://facebook.com/VizionPlusTV
https://twitter.com/VizionPlusTV
Një 24-vjeçar humbi jetën mbrëmjen e të enjtes në një aksident rrugor në Fier. I riu ishte duke udhëtuar me biçikletë në momentin kur u përplas nga një makinë tip ?Fiat? që drejtohej nga një 28-vjeçar. Aksidenti ndodhi në afërsi të një karburanti në fshatin Qenas, ndërsa shoferi, duke përfituar dhe nga errësira në rrugë e moti me shi, u largua me shpejtësi nga vendngjarja. Por ai u arrestua nga polica këtë të premte. Një tjetër aksident ndodhi në Korçë në orët e para të mëngjesit. Dy makina u përplasën me njëra-tjetrën në afërsi të stadiumit, por fatmirësisht nuk pati të lënduar. Shkak për aksidentin dyshohet të ketë qenë shpejtësia e lartë.Vetëm gjatë kësaj jave pesë persona kanë humbur jetën dhe gjashtë të tjerë janë plagosur si rrjedhojë e shtatë aksidenteve rrugore. Shkak në shumicën e rasteve ka qenë shpejtësia tej normave të lejuara, por dhe drejtimi i mjetit në gjendje të dehur.
