Lajme Arkiva - TV Klan 2000
Ministria e Rendit Publik, ka shpallur në kërkim 22 të kërkuar prej saj për krime të rënda në kuadër të një liste prej 700 të kërkuarish në të gjithë Shqipërinë. Në listën e fundit, shumicën e përbëjnë emrat e personazheve të njohur nga skedat policore në Lazarat, Laç dhe Tiranë. Kështu 12 nga lista e të kërkuarve të fundit janë nga Lazarati, mes të cilëve ndodhet edhe fotografia me të dhënat e Adil Alikos, i konsideruar nga policia si njëri prej kapove të ngjarjeve të rënda që kanë ndodhur në fshatin rebel të Gjirokastrës.
Sipas policisë të kërkuarit dyshohet se kanë gisht edhe në ngjarjet e kësaj fushate, siç ishte incidenti me zëvendës kryeministren Makbule Çeço dhe para dy ditësh kur u hodh në erë shtëpia e një simpatizanti socialist, që e kishte shoqëruar atë në fshat. Në listë me emrat e personave të kërkuar nga Laçi bëjnë pjesë të kërkuarit për çështjen e marrjes pengë të komisarit të policisë së qytetit.
Veç rretheve në listën e fundit janë shpërndarë të dhëna dhe për të kërkuarin nga Tirana Sali Lusha. Ky i fundit është akuzuar për ngjarjet e 14 Shtatorit 1998, në ditën e varrimit të liderit të Dhjetorit ?90 Azem Hajdari. Burimet e Ministrisë së Rendit thanë se shpallja e listës së fundit me emrat e të kërkuarve, lidhet edhe me masat e shpallura nga Spartak Poçi, për ruajtjen e qetësisë dhe rendit, për zgjedhjet lokale të 1 Tetorit./tvklan.al
Gazetare ? Mirela Milori
SUBSCRIBE to ?RTV KLAN? on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/
