Kryetari i Partisë Demokratike Lulzim Basha ka zhvilluar një bisedë 30 minuta me Presidentin Ilir Meta në zyrën e kreut të shtetit. Sikurse ishte paralajmëruar, kryedemokrati mbërriti në Presidencë në orën 12:00 për të diskutuar me Metën për datën e zgjedhjeve.
Pas takimit, Basha tha për gazetarët se qytetarët duan zgjedhje sa më shpejt, ndërsa për selinë blu është e rëndësishme që organizimi dhe zhvillimi i zgjedhjeve të jetë i ndershëm.
?Qytetarët duan zgjedhje sot jo nesër. Ata duan zgjedhje sepse janë të lodhur nga propaganda, nga dështimet dhe mashtrimet. Qytetarët kanë nevoje urgjente për punë. Biznesi ka nevojë urgjente për mbështetje. Mjekët, infermierët kanë nevojë për rritje pagash, për kushte dinjitoze për t?u përballur me kolapsin e sistemit shëndetësor, i cili është bërë edhe më i dukshëm prej pandemisë. Fermerët kanë nevojër për subvencione, kanë nevojë për treg shitje. Të rinjtë kanë nevojë për mundësi për arsimim dhe punësim që të qëndrojnë e të jetojnë dhe të ndërtojnë jetën e tyre këtu në Shqipëri. Pensionistët kanë nevojë për rritje reale, jo elektorale të pensioneve. Pra, shumica absolute e shqiptarëve kërkojnë zgjedhje sot jo nesër. Për ne e rëndësishme është që procesi të jetë i lirë dhe ndershëm. Dhe për ta mbyllur me fjalën e Nënë Terezës meqë nesër ka dhe ditën e Shenjtërimit: E djeshmja ka shkuar, e nesërmja nuk ka ardhur akoma, prandaj të fillojmë e të punojmë menjëherë për të sotmen dhe për të nesërmen duke filluar sot të punojmë për ndryshimin?, deklaroi shkurtimisht Lulzim Basha.
I pyetur nga gazetarët, kreu i selisë blu nuk u shpreh cilën datë preferojnë për zgjedhjet elektorale të vitit 2021. Ndërsa nga burimet mësohet se partitë e tjera të vogla aleate të PD, në takimin që patën më herët me Presidentin Meta, kërkuan 18 Prillin si datën e mbajtjes së zgjedhjeve parlamentare.
Ndërsa Kryeministri Edi Rama, në takimin me Metën, u shpreh i hapur për çdo datë me përjashtim të 2 Majit.
Me ndryshimet e reja në kodin elektoral, mazhoranca dhe opozita ranë dakord që zgjedhjet e përgjithshme të mbahen në periudhën nga 15 Prilli deri në 15 Maj.
SUBSCRIBE to ?RTV KLAN? on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/
