هلت دموع السما
كلمات : خالد الفيصل
لحن : طلال مداح
هلت دموع السما عند الوداع ... وارسلت غيومها شوق وحنيـن
قلت ودع مايفيد الامتناع ... والشقى مقسوم مير الله يعين
رمشه الفتان وعيونه وساع ... صوروا بالقلب له رسم حسين
شوفتي له ساعة عندي متاع ... متعة الدنيا نظر عينٍ لعين
لى ذكرت اللي حدر هاك القناع ... مبسمه والخد مع نور الجبين
لو بغيت الصبر قلبي مااستطاع ... ياسعد ياكود فقدان الظنين
كل مالاح بسماء قلبي شعاع ... اظلمت دنياي واشتد الونين
ياحسايف وقتنا والعمر ضاع ... نجتمع يومين والفرقا سنين
