Një vajzë 22-vjeccare nga Shkodra ka rënë pre e dhunës verbale dhe fizike nga shoqja e saj. Shkak është bërë marrëdhënie që e reja ka krijuar me bashkëshortin e 30-vjeccares.
Kjo e fundit e ka filmuar me telefon, ku 22-vjeccarja pranon se ka kryer marrëdhënie seksuale me bashkëshortin e saj të quajtur Noja.
Sipas rrëfimit të vajzës, ka qenë vetë Noja që e ka ngacmuar në momentin kur ajo ka shkuar për t’i kërkuar kthimin e një borxhi prej 10 mijë lekë të vjetra.
Pasi e ka ftuar pas lokalit, ai ka nisur ta puthë dhe aty ka arritur të kryejë marrëdhënie seksuale me të.
Zbulimi i kësaj marrëdhënie nga bashkëshortja përmes bisedave telefonike ka bërë që 30-vjeccarja të hakmerret ndaj shoqes së saj.
Për këtë arsye policia e Shkodrës, pas publikimit të videove në rrjetet sociale e ka arrestuar për kanosje dhe dhunim.
Njoftimi i Policisë Shkodër:
Kërcënoi, rrahu dhe i shpërndau videon në rrjetet sociale 22-vjeçares, vihet në pranga nga Policia.
Shërbimet e Komisariatit të Policisë Shkodër, menjëherë pas marrjes së kallëzimit nga shtetasja B. RR., se shtetasja M.Gj. 30 vjeçe, banuese Shkodër, e kishte kërcënuar, dhunuar, filmuar dhe i kishte shpërndarë në rrejtet sociale videon, menjëherë kanë bërë kapjen dhe arrestimin në flagrancë të 30-vjeçares.
Arrestimi i kësaj shtetaseje u bë pasi me datën 18.08.2020, ka kanosur, rrahur dhe me pas i ka shpërndarë videon në rrjetin socal instagram shtetases B. RR.
Materialet i kaluan Prokurorisë së Rrethit Gjyqësor Shkodër për veprime të mëtejshme në ngarkim të shtetases M. Gj., për veprat penale "Kanosja", "Dëmtime të tjera me dashje” dhe "Ndërhyrja në të dhënat kopjuterike".
