ಚೆನ್ನೈ ಮೂಲದ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾದ ರಾಯಲ್ ಎನ್‌ಫೀಲ್ಡ್ ದೇಶಿಯ ಮಾರುಕಟ್ಟೆಯ ತನ್ನ ಗ್ರಾಹಕರಿಗಾಗಿ ಹಾಗೂ ಈ ಬೈಕ್ ಖರೀದಿಸ ಬಯಸುವವರಿಗಾಗಿ ಹೊಸ ಮೊಬೈಲ್ ಆ್ಯಪ್ ಅನ್ನು ಬಿಡುಗಡೆಗೊಳಿಸಿದೆ. ಈ ಮೊಬೈಲ್ ಆ್ಯಪ್ ಐಒಎಸ್ ಹಾಗೂ ಆಂಡ್ರಾಯ್ಡ್ ಬಳಕೆದಾರರಿಗೆ ಲಭ್ಯವಿರಲಿದೆ.
ಈ ಆ್ಯಪ್ ಹೊಸ ಬೈಕುಗಳ ಆನ್‌ಲೈನ್ ಬುಕಿಂಗ್ ಹಾಗೂ ಸರ್ವೀಸ್ ಅಪಾಯಿಂಟ್ ಮೆಂಟ್ ಗಳನ್ನು ನೀಡುತ್ತದೆ. ಗ್ರಾಹಕರು ತಮ್ಮ ಅನುಕೂಲತೆ ತಕ್ಕಂತೆ ಸರ್ವೀಸ್ ಅಪಾಯಿಂಟ್ ಮೆಂಟ್ ಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಗ್ರಾಹಕರು ಸರ್ವೀಸ್ ಗಾಗಿ ತಮ್ಮ ಬೈಕ್ ಗಳನ್ನು ಕೊಟ್ಟ ನಂತರ ಸರ್ವೀಸ್ ನ ಪ್ರತಿ ಹಂತವನ್ನು ಅಪ್ ಡೇಟ್ ಮಾಡಲಾಗುವುದು. ಇದರಿಂದಾಗಿ ಗ್ರಾಹಕರು ಯೋಜಿತ ರೀತಿಯಲ್ಲಿ ಬೈಕುಗಳನ್ನು ನೀಡಿ ಹಿಂಪಡೆಯಬಹುದು. ಈ ಆ್ಯಪ್ ವರ್ಕ್ ಶಾಪ್ ಹಾಗೂ ಗ್ರಾಹಕರ ಕೆಲಸವನ್ನು ಸುಲಭಗೊಳಿಸುತ್ತದೆ.
