110 shqiptarë, me qëndrim të paligjshëm që kërkuan azil, u riatdhesuan nga Metzi në Francë me charter mbasditen e sotme në Rinas. Operacionet e riatdhesimit u realizuan në bashkëpunim me Frontex-in dhe Zyrën Franceze për Emigracionin.
Policia e shtetit thekson se Shqipëria është një vend i sigurt dhe shanset për të marrë azil janë zero. Gjithashtu u bën apel të gjithë qytetarëve që ndodhen në një nga vendet e zonës Schengen, që të mos bëjnë asnjë përpjekje për të aplikuar për azil dhe të mos bëjnë asnjë shpenzim duke paguar ata që duan të përfitojnë duke i mashtruar se do t'u sigurojnë azil, pasi rezultati në të dyja rastet do të jetë negativ.Sipas policisë, do të vijojnë operacionet e riatdhesimit dhe do forcohen masat duke shtuar patrullimet në kufirin jeshil.
