Presidenti Ilir Meta u shpreh sot se lëvizja e shumicës për hapjen e listave zeron marrëveshjen e 5 qershorit. Meta deklaroi se nëse kuvendi do të miratojë ndryshimet kushtetuese për hapjen e listave dhe ndalimin e koalicioneve nuk do të njohë kryeministrin që do të dalë nga zgjedhjet e vitit të ardhshëm. Ndryshimet që po tentohen që të bëhen në Kushtetutë, kreu i shtetit i cilësoi anti-kushtetuese, pasi nisma është ndërmarrë në periudhën që vendi ishte në gjendje të jashtëzakonshme.
