Pengesat e jetës janë të ndryshme për këdo, kështu është edhe rasti i dy vajzave të reja, Anxhelina Mila dhe Samanta Dule, të cilat i përkasin komunitetit egjiptian. Ato kanë hasur mjaft vështirësi në jetën e tyre për të arritur aty ku janë sot, që nga paragjykimet e shumë personave dhe deri tek vështirësitë financiare.
Samanta Dule është sot 25 vjeçe, gjatë kësaj kohe ajo ka përjetuar mjaft dhimbje dhe trishtim, por ka gjetur forcën për të ecur përpara.
Ajo tregon edhe disa nga vështirësitë që ka hasur, pas vendimit për të vazhduar shkollën e lartë, në një vend si Tirana, pa mundësi ekonomike, në një moshë të vogël, dhe në një vend ku hasi shumë vështirësi për tu përshtatur.
?? Kam qenë me idenë që ndoshta dicka e keqe do më ndodhi, sepse kam vuajtur nga gjendja psikologjike shumë dhe më është dashur, të përjetojë gjëra që tashmë jam shumë mirë dhe I jam mirënjohëse zotit për këtë por që gjithmonë kam ecur me këtë gjë? me një psikologji shumë të rënduar, por kur erdha në Tiranë isha vetëm 18 vjec dhe thash viti parë ishte vetëm duke qarë, me kufje në vesh dhe tek Piramida, sepse e kisha shumë të vështirë të përshtatesha me ambientin që isha, me vajzat që më rrethonin, ndoshta me veshjen, me shumë gjëra. Aq më tepër në një zonë sic është blloku, që ti shikon shumë shumë njerëz. Dhe e shikoja veten shumë të diferencuar por kur fillova që të përballem me shumë gjëra që Tirana, të jep, pavarësisht se që prej fillimit kam punuar dhe isha në dy punë, më është dashur të punojë shumë që të paguaja qeranë të mbaja veten në një farë mënyre ?? shprehet Samanta për sakfricat që I është dashur të bëjë për të vazhduar universitetin.
