http://www.vizionplus.tv
https://facebook.com/VizionPlusTV
https://twitter.com/VizionPlusTV
Prokuroria e Tiranës dhe Policia e Shtetit janë fokusuar tek rrugëtimi fetar i familjes Josifi, gjë që sipas hetuesve do të ndihmojë në zbardhjen e vetëvrasjes tragjike të nënë e bijë.E ngjashme me skenarët e filmave të Hollivudit, kjo ngjarje horror, e padëgjuar ndonjëherë në Shqipëri, ka bërë që të hetohen të gjitha lëvizjet e kësaj familjeje për të mësuar se kush fshihet pas predikimeve për vetëflijimet.Familja Josifi ishte bashkuar më herët me Dëshmitarët e Jehovait prej shumë vitesh. Kjo e pranuar nga familjarët e tyre, por ky sekt e hodhi poshtë duke thënë se nuk e njohin familjen Josifi.Më pas Zhaneta, Anisa dhe Blerta mësohet se janë bashkuar në një sekt tjetër kishtar. Mendohet se ky grup përbëhej nga disa të huaj dhe shqiptarë, por ende nuk dihet se çfarë predikonin.Prej muajsh e ëma bashkë me dy vajzat ishin izoluar totalisht duke mos pranuar asnjë person në banesë. Këtu mendohet se ata kanë filluar përgatitjet për aktin e rëndë.Pritet që ditën e hënë, Prokuroria të japë detaje në lidhje me këtë ngjarje makabre.Dyshimet e Prokurorisë janë lidhjet që mund të ketë patur familja Josifi me persona që predikojnë tek njerëzit akte ekstreme.Grupi hetimor dhe ekspertiza theksojnë se prej disa muajsh, Anisa kishte ndërruar jetë nga mos ngrënia dhe ishte mbajtur e vdekur nga Zhaneta dhe Blerta. Kur familjarët e kërkonin Anisën, ata thonin se nuk ka ardhur momenti për ta parë. Ndërkohë që nënë e bijë, mbështillnin trupin e Anisës me çarçafë dhe përpiqeshin ta mumifikonin për të pritur ringjalljen. Në të njëjta kushte me të bijën ka ndërruar jetë edhe Zhaneta, ndërsa Blerta arriti që të mbijetonte ndërkohë është shtruar në spitalin psiqiatrik në Tiranë.Edhe ndaj Blertës, Prokuroria ka nisur hetimet për moskallëzim krimi.
