Policia e Tiranës ka shoqëruar në komisariat 10 persona të cilët po protestonin sot në Sheshin Skënderbej për prishjen e Teatrit Kombëtar dhe masat e marra për COVID-19, në një kohë kur nuk lejohen grumbullimet për shkak të koronavirusit. Të arrestuarit janë Aktivistët e Shoqërisë Civile, të cilët prej dy ditësh protestojnë edhe për ndryshimet në Kodin Penal. Policia i ka arrestuar me pretendimin se nuk lejohen protestat në këtë periudhë.
