Komisioni Evropian në raportin e publikuar për tremujorin e 4-t të vitit të kaluar, për vendet kandidate për në Bashkimin Evropian, thekson se indikatori i ndjesisë ekonomike në Shqipëri ra përgjatë tremujorit të 4-t të vitit 2019, për të parën herë që prej vitit 2016. Sipas raportit, ndikim negativ në përkeqësimin e këtij treguesi ka pasur industria si dhe rënia e performancës së shërbimeve pothuajse përgjatë gjithë vitit. Ndërkohë Komisioni Evropian vlerëson pozitivisht efektin që ka dhënë konsumi privat në zgjerimin e ecurisë ekonomike, si dhe përmirësimi i eksporteve kryesisht nga ndërmarrjet prodhuese.
