KURBIN- Dy vëllezër të verbër dhe nëna e tyre e moshuar nga fshati Zhejë i Kurbinit prej 2 muajsh jetojnë mes frikës dhe ankthit pasi banesa e tyre ka pësuar dëme nga tërmeti i 26 nëntorit.
Pavarësisht rrezikut që ka objekti tre anëtarët e familjes Mamli jetojnë në këtë banesë e cila rrezikon të shembet. Ata thonë se askush nuk iu ka ardhur në ndihmë për t'iu siguruar strehim, ndaj janë të detyruar që të qëndrojnë aty.
