Dy muaj nga tërmeti 6.4 ballë i rënë në 26 nëntor 2019 në Durrës, momentalisht në qeli ka vetëm 12 vetë të arrestuar dhe 9 persona në kërkim. Hetimet që nisën me shumë vrull nga katër prokuroritë e rretheve Durrës, Tiranë, Krujë dhe Lezhë, gjatë këtyre dy muajve kanë konkretizuar, vetëm dy operacione policore, ku në total janë arrestuar 38 persona. Ndërsa në burg vijojnë të qëndrojë 5 persona në Durrës të akuzuar për ?Vrasje me dashje të kryer në mënyrë indirekte? dhe 7 persona në Tiranë të akuzuar për ?Shpërdorim detyre? dhe ?Falsifikim dokumentash?.
Vetëm gjatë operacionit të parë në Durrës u arrestuan 8 persona, ku aktualisht Albrend Qetka, Nevjana Isufi, Ahmet Doda janë liruar. Nga ana tjetër në Lezhë dhe në Krujë, e cila ka dhe dëmet më të mëdha në njerëz dhe dëme materiale, ende nuk është konkretizuar një operacion arrestimesh të individëve që dyshohet të kenë abuzuar më ndërtimet në këto zona. Momentalisht në burg për shkak të dëmtimeve të shkaktuar nga tërmeti i 26 nëntorit 2017 në Tiranë, po mbahen të izoluar Hodo Gjoni, Artur Skela, Fejzi Dyrmishi, Naim Shehi dhe Gëzim Shkalla. Mes personave të arrestuar dhe që vijojnë të jenë në qeli, janë dhe dy ish-drejtues komune Kashar dhe Farkë, Besnik Fuçia e Fatbardh Plaku.Ndërsa gjykata e Tiranës ka liruar pjesën më të madhe të biznesmenëve dhe arkitektëve si dhe një ish-kryetar komune në Farkë, me emrin Faik Fejzo, duke caktuar për ta masën e ?arrestit në shtëpi?. Ndërkohë prej dy muaj ende pa konkretizim të hetimeve në arrestime është prokuroria dhe policia e Krujës, zonë kjo në të cilën pati bilanc më të madh në viktima, plot 26 njerëz të vdekur, ku pjesa dërmuese ishte në njësinë administrative Thumanë. Shumë shpejt, në muajin shkurt 2020 prokuroria e Durrësit, që ka në objeksion të hetimeve dhe shumë ndërtesa të dëmtuara rëndë nga tërmeti, pritet të finalizojë një operacion të dytë, për arrestimin e zyrtarëve të bashkisë Durrës dhe përgjegjësve të tjerë, që kanë abuzuar me detyrën në miratimin e lejeve të ndërtimit dhe zbatimit të planimetrive urbanistike në terren.
