Arkiva Lajme - Tv Klan 2000
Një gomone skafistësh përplaset me motovedetën e Guardia di Finazas. Dy skafistët një shqiptar dhe një italian janë aksidentuar rëndë. Ngjarja ka ndodhur ndërsa po gdhihej dita e sotme rreth orës 4 në gjirin e Vila Novas diku pranë Brindizit.
Pak milje larg bregut motovedeta e patrullimit diktoi skafin të mbushur me cigare kontrabandë. Urdhërit të ushtarakëve financiar për të ndaluar dy kontrabandistët shqiptar dhe italianë nuk i janë bindur. Gjatë manovrës për ti shpëtuar ndjekjes gomonia u perplas me motovedetën e Guardias. Pas përplasjes dy skafistët janë dërguar në spitalin e Brindizit, ku po kurohen jashtë rrezikut për jetën.
Emrat e dy skafistëve kontrabandist si dhe vendin nga ishte nisur malli kontraband sipas policisë italiane nuk bëhen të njohur për momentin për arsye hetimore./tvklan.al
Gazetar ? Eduart Frangaj
