#rtvora #oranews
Dy persona janë plagosur me breshëri automatiku në një atentat në Vlorë. Ngjarja ka ndodhur mbrëmjen e sotme (18 janar). në lagjen "Bashkimi" të Vlorës rreth orës 18:20.
Sipas informacioneve, të plagosurit janë Roland Çepaj dhe kunati i tij Nikollaq Çepaj (Taullaraj), ky i fundit pak ditë më parë kishte dalë nga burgu, pasi ishte arrestuar per plagosje në qershor të 2018.
Personat kanë qenë brenda një lokali, pranë rrugës Transballkanike, ndërsa mësohet se janë qëlluar nga një automjet.
Raportohet se atentatori ose atentatorët kanë ardhur nga rruga Transballkanike me një automjet, janë ndalur përpara lokalit, kanë qëndruar për pak minuta dhe me pas kane goditur me breshëri ne drejtim te dy personave.
Shënjestra Nikollaq Çepaj (Taullaraj)- 36-vjecari Nikollaq Çepaj (Taullaraj) ishte martuar me motrën e Roland Çepajt. Ai dyshohet se ka qenë edhe shënjestra e atentatit, ndërsa aksidentalisht u plagos edhe kunati. Taullaraj sapo kishte dalë nga burgu, pasi në qershor të vitit 2018 u arrestua për plagosjen me armë zjarri të Eraldo Lazajt brenda një lokali në lagjen 'Pavarësia'.
Prishja e pazareve të drogës ose hakmarrje janë dy pistat ku po hetohet.
Autori, dyshohet një person me mjeker- Gazetari i Ora News raporton se nga dëshmitë e personave thuhet se autori që ka qëlluar ka qenë një person me mjekër dhe me kapele të kuqe. Autorët po ashtu kanë ditur mirë vendin ku dy personat pinin kafe. Mendohet se autorët i kanë studiuar dy personat, dhe sot janë nisur për ti vrarë duke i goditur me kallashnikov.
"Rreth orës 18:22, në lagjen "Bashkimi" Vlorë, në një lokal dyshohet se pas një konflikti të çastit kanë mbetur të plagosur me armë zjarri shtetasit N.Ç 36 vjeç dhe R.Ç., 27 vjeç me banim në Vlorë, të cilët janë dërguar në Spitalin Rajonal të Vlorës për ndihmë mjekësore", sqaron policia në njoftimin zyrtar.
Nikollaq Çepaj (Taullaraj) u transportua për në Spitalin e Traumës në Tiranë. Ai ka marrë 5 plumba, një prej të cilave në kokë dhe ndodhet në gjendje me të rëndë. Ndërsa Roland Çepaj eshte plagosur ne këmbë.
Po sipas policisë, autorët dyshohet se mund të jenë larguar me një automjet ku në ndjekje të tyre janë vënë disa grupe policore.
Në zonën ku ndodhi ngjarja është evidentuar një automjet "benz" i zi, i cili dyshohet se i përket autorëve.
Njëkohësisht janë ngritur disa pika kontrolli në rrugët dalëse të qytetit dhe po kontrollohet e gjithë zona me qëllim kapjen dhe arrestimin e autorëve.
Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes.
Për më shumë lexoni në: https://www.oranews.tv/article/vlore-plagoset-nje-person-me-arme-zjarri
Follow RTV Ora
Subscribe To "Ora News" on YouTube Channel for NEWS HERE: http://bit.ly/2DDddtL
Subscribe To "Ora News" on YouTube Channel for TV Shows HERE http://bit.ly/2sPcqj3
For more content from click HERE www.oranews.tv
Like Ora News on Facebook HERE http://bit.ly/2RkUN4s
Follow Ora News on Instagram Here http://bit...
