Cili pushtet ka kontribuar më shumë në ndotjen e ajrit, kush, sa dhe çfarë lloj autobusësh të transportit publik ka blerë, a është i nevojshëm subvencionimi i trotineteve elektrik dhe shporeteve me peleta, masat e kujt kanë dhënë rezultate. Për këtë debatuan anëtarët e Komisionit parlamentar të Transportit, Lidhjeve dhe Mjedisit pas informacionit të paraqitur nga deputetët e VMRO-DPMNE-së për ndotje enorme të ajrit, por konkluza konkret as nuk u ofruan e as nuk u miratuan. Dragan Danev nga radhët e VMRO-DPMNE-së tha se LSDM-ja erdhi në pushtet me premtime të mëdha për të luftuar ndotjen, dhe deri më tani asgjë nuk është bërë.
