#rtvora #oranews
Pesë mijë emigrantë të paligjshëm më shumë se në 2018-ën janë kapur vitin e shkuar nga policia shqiptare dhe Frontex të cilët nëpërmjet Shqipërisë synonin vendet e BE-së. Ndonëse vitin e shkuar janë kapur 12 mijë të huaj, mbi 8 mijë të tjerë kanë kaluar në drejtim të Malit të Zi. Situata vijon të jetë problematike dhe në Greqi pasi janë 70 mijë të huaj që presin të kalojnë drejt vendeve të BE-së.
Gjatë vitit 2019, pesë mijë emigrantë të paligjshëm më shumë së në 2018-ën janë kapur në kufirin e gjelbër, të cilët tentonin të kalonin drejt Shqipërisë me destinacion final vendet e Bashkimit Evropian.
Pavarësisht dislokimit të oficerëve të policisë së Frontex në Kakavijë dhe Kapshticë, numri i emigrantëve u rrit pasi në 2018-ën u kapën rreth 7000 shtetas.
Para mbërritjes së forcave policore Frontex në maj të vitit të shkuar u kapën nga policia kufitare 3000 të huaj, ndërsa 9 mijë të tjerët u ndaluan gjatë periudhës që operon dhe policia evropiane.
Nga 12 mijë emigrantët e kapur rreth 3 mijë prej tyre kanë kërkuar azil në Shqipëri ndërsa pjesa tjetër janë kthyer nga vendi i origjinës që kanë ardhur që është Greqia. Fluksi më i lartë i emigrantëve rezulton të jetë gjatë muajve të verës por dhe gjatë shtatorit e nëntorit.
Pavarësisht ndalimit të 12 mijë emigrantëve në kufirin shqiptar, 8 mijë e 600 klandestinë kanë kaluar në drejtim të Malit të Zi. Këto shifra të vitit të shkuar janë dyfishi i 2018, dhe për këtë arsye qeveria ka propozuar vendosjen e forcave ushtarake me qëllim parandalimin e fluksit.
Burime nga policia bëjnë të ditur se pala malazeze ende nuk ka ndërmarrë një veprim të tillë ndërsa pritet konsultimi palën shqiptare. Situata vijon të jetë problematike dhe në shtetin fqinj të Greqisë, ku vetëm në 2019 janë regjistruar mbi 70 mijë emigrantë.
Për më shumë lexoni në: https://oranews.tv/article/pese-mije-emigrante-te-paligjshem-ne-2019-me-shume-se-2018
Follow RTV Ora
Subscribe To "Ora News" on YouTube Channel for NEWS HERE: http://bit.ly/2DDddtL
Subscribe To "Ora News" on YouTube Channel for TV Shows HERE http://bit.ly/2sPcqj3
For more content from click HERE www.oranews.tv
Like Ora News on Facebook HERE http://bit.ly/2RkUN4s
Follow Ora News on Instagram Here http://bit.ly/2HBuiID
Follow Ora News on Twitter http://bit.ly/2RhOaQp
