Emri i ushtrisë së vendit nuk varet nga aktorët politik, por është çështje që përcaktohet përmes Kushtetutës. Kështu thotë Presidenti, Stevo Pendarovski i cili shton se përderisa emri i shtetit është Maqedonia e Veriut edhe institucionet shtetërore, përfshirë ushtrinë, janë të Maqedonisë së Veriut. Pendarovski thotë se është e pabazë rezistenca e VMRO DPMNE-së opozitare për të mos miratuar ndryshimet në Ligjin për mbrojtje, me të cilat Ushtria e Maqedonisë riemërohet në Ushtria e Maqedonisë së Veriut.
