Durrësi është qyteti më i prekur nga tërmeti me magnitudë 6.4 i datës 26 Nëntor, si dhe goditjet e tjera sizmike që në fakt vazhdojnë të jenë ende aktive. Pamjet me dron tregojnë objektet e rrënuara dhe pallatet e shkatërruara. Disa prej tyre janë tashmë të pabanueshme për shkak se kanë pësuar dëmtime në strukturë. Një numër i konsiderueshëm i banorëve të Durrësit kanë braktisur qytetin bregdetar dhe janë larguar drejt Jugut dhe Juglindjes së vendit, në ato qytete ku ndihen më të sigurtë.
